Transcription
1
Monseigneur, le septième du present moys sur les sept heures de
2
nuict, jay receu votre commission du vingt neufvième du passé avec le
3double des patantes du roy notre sire [barré : c ] y attachés, ce que du
4
lendemain matin jay faict publier en lauditoire de ce siège et
5
ordonné aultre pubication à son de trompe et cri public par
6
les carrefours de ceste cité, et que extraictz seroient faictz
7
desdites lettres et mandés ez villes et bourgades de ce distroict
8
pour y estre faicte semblable lecture et publication. Jay
9
despuis informé avec plusieurs notables personnes contre
10
ceulx de la novelle oppinion qui hont absanté puis les
11
derniers troubles de Paris. Et icelle information veue et
12
communiquée au procureur dudit seigneur roy, ordonne estre procedé
13
contre Mes[sire] Innocent Gentillet naguères advocat de ce
14
siège, Anthoine Argond nagueures procureur de cedit siège, Anthoine
15
Chausson, Anthoine Pothon de Cremieu, Mathieu Gabet marchant
16
Humbert Dubois, Meraud Lambert naguères aussi habitans
17
de cestedite cité et à present absans. Jay baillé afferme les
18
biens immeubles dudit Argond et quand à Humbert Dubois
19
et Merau Lambert ; je nay sceu encores scavoir silz ont
20
alcuns biens. J’en feray informer plus amplement. Et pour
21
le regard desdits Chausson et Pothon cy devant leurs biens ont
22
estés reduictz par le commandement de messeigneurs de la court,
23
tellement quil ne reste qu’à bailler afferme leurs immeubles
24
selon votre commission, ensemble ceulx dudit Me Gentillet, et
25
à se faire, pour indispotion de ma personne, jay depputé des
26
anciens et notables advocatz du siège, et estime n’aurez
27
desagreable quilz soient nourris aus hostelleries hors leurs
28
maisons où lung deux y procedant ses chevaux ensemble
29
le sieur procureur du Roy et le greffier pour les sequestrer
30
[33 v°] parce que n’avons aulcuns deniers pour les fraitz de justice, sinon
31
quil vous pleust, pour evitter fraitz au roy, commectre les
32
chatelains des lieux appellés les procureur du Roy et consuls pour
33
bailher lesdites fermes et despuis le tout vous ranvoyer.
34
Je vous supplie me faire entendre si votre plaisir est
35
que lon procède contre certains de ladite novelle oppinion,
36
lesquelz sestoient absantés de ceste cite lhors des
37
troubles advenus à Paris et despuis sont revenus en ce
38
païs et font leurs demeurances en aucunes aultres villes
39
ou bourgades de ce distroict sans faire sedition qu’on sache,
40
ainsi que je vous racontay dernierement près Bourgoind ; Aussi
41
vous plairra me mander si entendés que procedions extraordinairement
42
contre les absans nommés en linformation que jay faicte
43
en vertu de votredite commission laquelle je vous envoye
44
par ce pourteur exprès, ensemble les actes de reduction des
45
biens desdites Argond, Mathieu Gabet, Chausson, Pothon
46
et procedures sur linquisition des facultées desdites Dubois
47
et Lambert avec le bail affermé des immeubles dudit
48
Argond. Et surce, attendant vos commandements,
49
monseigneur, je supplieray le Createur vous donner en prosperité
50
très longue vie. De Vienne, ce XIe janvier 1573.
51
Monseigneur, jay entendu que plusieurs et diverses personnes se licentient
52
de pourter harquebuses et pistoles soubz le preteste des
53
troubles survenus. Je vous supplie surce me faire entendre votre
54
bon plaisir
55
Votre très humble serviteur
56
de Buffevant